ПИРОТЕХНИКА ВОСИТАЛАРИ – ЎЙИНЧОҚ ЭМАС!

Янги йил байрами яқинлашар экан, ўқувчилар орасида пиротехника воситаларидан фойдаланиш авж олади.
Пойтахтимиздаги мактабларнинг бирида ўқувчи синфдошига ҳазил қилиб, “Трения” пақилдоғини ёқиб отган. Натижада қаттиқ товушдан кекса бир аёлнинг юрак хуружи тутиб қолади. Бошқа жойдаги ҳолатда эса, беҳосдан отилган пақилдоқдан аёлнинг шифохонага тушишига сабаб бўлди.
Шу ўринда савол туғилади: нега айрим ота-оналар пиротехника воситалари атрофдагиларнинг соғлиғи учун зарарли эканлигини билсалар-да, уларни фарзандларига олиб бераверадилар?
Ҳурматли ота-оналар, жойларда ўтказилаётган тадбирлар самара бериши учун фақат фавқулодда вазиятлар ходимлари эмас, балки барчамиз биргаликда саъй-ҳаракат қилсак, болалар ва ўсмирларнинг ушбу хавфли ўйинчоқни ўйнашларига йўл қўймасак, юқоридаги каби нохуш ҳолатларнинг олди олинади.

ЯХЁ ХАЙДАРОВ, Зарафшон шаҳар  Фавқулодда вазиятлар бўлими профилактика инспектори.