Y"Yashil makon" umummilliy loyihasi ijrosini taʼminlash maqsadida Navoiy viloyati hokimligi tashabbusi bilan Zarafshon shahar hokimligi va tegishli tashkilotlar tomonidan Zarafshon bolalar sogʻlomlashtirish oromgohi yonida "Yoshlar bogʻi" yaratildi. Bugun erta tongdan shahar hokimi Nazirbek Rahmanov boshchiligida sektor rahbarlari, barcha tegishli tashkilotlar ishtirokida hududda daraxt koʻchatlari oʻtqazildi. Ushbu daraxt koʻchatlari tomchilatib sugʻorish tizimi bilan sugʻoriladi.