Ma’lumot o‘rnida aytish joizki, mahallada bugungi kunda 7 ta ko‘cha, 1433 ta xonadon, 1543 ta oila bo‘lib, 6789 nafar fuqaro istiqomat qilmoqda. "Obod xonadon","Obod ko‘cha","Obod mahalla" mezonlari asosida uzoq yillardan buyon aholini qiynab kelgan muammolar qisqa fursatlarda hal etilib, obod manzilga aylangan. Ichki yo‘l va ko‘chalar asfaltlashtirildi. Ichimlik suvi ta’minotini yaxshilash bo‘yicha 27 kilometr ichimlik suvi tarmog‘i tortildi. Mahalla hududi zamonaviy ko‘rinishga ega bo‘lib, sport va bolalar maydonchalari barpo etilgan.