DataLife Engine / “Бозорлар хусусийлаштирилади”. Ижтимоий тармоқларда шу мавзуда тарқалаётган турли материаллар юзасидан расмий ахборот

“Бозорлар хусусийлаштирилади”. Ижтимоий тармоқларда шу мавзуда тарқалаётган турли материаллар юзасидан расмий ахборот

“Бозорлар хусусийлаштирилади”. Ижтимоий тармоқларда шу мавзуда тарқалаётган турли материаллар юзасидан расмий ахборот



Сўнги кунларда ижтимоий тармоқларда Тошкент шаҳридаги бозорларнинг сотилиши ҳақида турли маълумотлар тарқатилмоқда. Чиндан ҳам бозорлар сотиляптими?

Аввал ҳам маълум қилинганидек, жорий йил 27 октябрда Президентнинг “Давлат иштирокидаги корхоналарни ислоҳ қилишни жадаллаштириш ҳамда давлат активларини хусусусийлаштиришга оид чора-тадбирлар тўғрисида”ги Фармони қабул қилинди. Мазкур ҳужжатда мамлакатимиздаги 500 дан ортиқ бозор ва савдо комплекслари алоҳида ёндошув асосида ислоҳ қилиниши ҳақида топшириқ бор. Шунингдек, Давлат активларини бошқариш агентлигига тегишли вазирликлар, идоралар билан биргаликда 3 ой муддатда бозор ва савдо комплекслари бошқарув тизимини такомиллаштириш ва уларни босқичма-босқич хусусийлаштириш бўйича қарор лойиҳасини тайёрлаб, Вазирлар Маҳкамасига киритиш вазифаси юклатилган.
Ҳозирги кунда Агентлик томонидан бозор ва савдо комплексларининг молиявий кўрсаткичлари ва мулкий масалалари ўрганилмоқда ва қарор лойиҳасини тайёрлаш бўйича ишлар олиб бориляпти.
Юқоридагиларга асосан, Давлат активларини бошқариш агентлиги бозор ва савдо комплексларидаги давлат улушларининг сотилиши (хусусийлаштирилиши) масаласида қуйидагиларни маълум қилади:
Фармонда белгиланганидек, бундан асосий мақсад илғор хорижий тажрибани инобатга олган ҳолда, устав капиталида давлат улуши мавжуд бўлган бозор ва савдо комплексларини замонавий кўринишга келтириш, санитария-гигиена талаблари даражасида сақлаш, бозор фаолияти учун зарур инфратузилмани шакллантириш ҳисобланади.
Барча оммавий-ахборот воситалари вакилларига бозорлар ва умуман хусусийлаштириш билан боғлиқ бошқа масалаларда бизга мурожаат қилишларини сўраймиз. Барча саволларга жавоб беришга тайёрмиз. Бугунги кунда агентликнинг 1082 кол-маркази 24/7 режимида, 71 259-21-37 ишонч рақами ишлаб турибди. Шунингдек, Агентлик ахборот хизматининг 71 259-20-90 телефон рақамига мурожаат қилишингиз мумкин.
Давлат активларини бошқариш агентлиги
Ахборот хизмати

Manba:Uza.uz
7-12-2020, 09:54
Вернуться назад