Ўзбекча
ШАҲАР ҲОКИМИ ТАДБИРКОРЛАР БИЛАН УЧРАШДИ
Зарафшон шаҳар ҳокими Анвар Раджабов шаҳримизда амалга оширилаётган инвестицион лойиҳалар аҳволи, экспорт, инвестиция киритиш борасида олиб борилаётган ишлар билан танишиш, инвесторлар ҳамда ишбилармонларни қийнаётган муаммоларни ўз жойида ҳал этиш, таклифларини ўрганиш мақсадида тадбиркорлар билан учрашди.
Шаҳар ҳокими шу куни акрил иплари ишлаб чиқарувчи “Orianna yarns textil” МЧЖ, экспортбоп тикувчилик ва трикотаж маҳсулотлари ишлаб чиқарувчи “Amesa Zarafshon textil” МЧЖ ҳамда «Lion motors» автосалонининг Зарафшон филиалига ташриф буюриб, тадбиркорлар фаолияти билан яқиндан танишди.
Бундан ташқари Анвар Раджабов кварц хомашёсидан маҳсулот ишлаб чиқаришга мўлжалланган “Зарафшон ойна” МЧЖ, мармар ва гранит тошларини қазиб олиш ва қайта ишлашга мўлжалланган “AN SHUN MAX CONSTRUCTIONS ZARAFSHAN” МЧЖда ҳам бўлиб, истиқболли лойиҳалар бўйича қилинаётган ишларни ўрганди. Тадбиркорлар билан мулоқот чоғида уларнинг муаммо ва таклифлари ўрганилди.
